Спорт - Uvs.nutag.mn http://uvs.nutag.mn/ ru Спорт - Uvs.nutag.mn DataLife Engine Дархан аварга Д.Цэрэнтогтохын нэрэмжит Үндэсний бөхийн УАШТ-д Увс аймгийн баг тэргүүлэв http://uvs.nutag.mn/index.php?newsid=3180 http://uvs.nutag.mn/index.php?newsid=3180
Өвөрхангай аймгийн Арвайхээр хотод Хөдөлмөрийн баатар, гавьяат тамирчин, дархан аварга Дашдоржийн Цэрэнтогтохын нэрэмжит үндэсний бөхийн өсвөр үеийнхний 10, 11, 12, 13, 14, 15 насныхны улсын аварга шалгаруулах тэмцээн болов. Барилдаанд 19 аймаг, есөн дүүрэг, 15 клубын нийт 498 тамирчин оролцоход багийн дүнгээр Увс аймаг тэргүүлж, Сэлэнгэ, Өвөрхангай, Баянхонгор, Өмнөговь аймгийн баг удаалав. 

Нэрэмжит барилдааны эзэн дархан аварга Д.Цэрэнтогтох нь 1972 оны Улсын баяр наадмаар зургаа давж улсын начин, 1977 онд улсын заан, 1978 онд улсын арслан, 1979 онд улсын аварга (үзүүрлэсэн), 1980 онд даян аварга, 1981 онд дархан аварга (үзүүрлэсэн) цол хүртсэн ба 1983, 1984 оны наадмуудад түрүүлж, тавантаа үзүүрлэсэн энгүй хүчтэн байлаа.

Д.Цэрэнтогтох аварга үндэсний бөхөөс гадна чөлөөт бөхийн спортоор “Москва-1980” зуны олимпын наадамд шагналт тавдугаар байр эзэлж, “Тегран-1974” Азийн зуны спортын наадмаас алт, “Шинэ Дели-1982” наадмаас мөнгөн медаль хүртсэн нэрт бөх юм.

сонин mn

Д.Цэрэнтогтох аваргын нэрэмжит барилдааны нас насны түрүү бөхчүүд: 

✅ 10 насны ангилалд Баянгол дүүргийн бөх М.Онон
✅ 11 насны ангилалд “Ирээдүйн аварга” клубын А.Билгүүнтамир
✅ 12 насны ангилалд Булган аймгийн М.Энхманлай
✅ 13 насны ангилалд Өвөрхангай аймгийн Н.Түвшинсайхан
✅ 14 насны ангилалд Увс аймгийн Г.Баттогтох
✅ 15 насны ангилалд Сэлэнгэ аймгийн бөх Н.Эрхэмбаяр нар түрүүлж, хурдан удмын даагa гардан авлаа.
]]> zulaa Wed, 06 May 2026 09:51:09 +0800 "Астана дэлхийн цом-2025" тэмцээнээс мөнгөн медаль хүртлээ http://uvs.nutag.mn/index.php?newsid=3053 http://uvs.nutag.mn/index.php?newsid=3053
Казакстан улсын Астана хотноо зохион байгуулагдсан гардан тулааны аварга шалгаруулах "Астана дэлхийн цом-2025"  тэмцээний өөрийгөө хамгаалах төрөлд ДХИС-ийн Онцгой байдлын сургуулийн 633 дугаар дамжааны сонсогч М.Бат-Эрдэнэ 80 кг-ийн жинд мөнгөн медаль хүртлээ.
Тэмцээнд Монгол Улсаа төлөөлөн Дотоод хэргийн их сургуулийн Биеийн тамир, албаны бэлтгэлийн институтийн ахлах багш, дэд хурандаа Х.Оналбек дасгалжуулагчтай 11 тамирчин оролцсон байна. 
Баг тамирчид тус тэмцээний өөрийгөө хамгаалах болон тулааны төрлөөс  2 алт, 4 мөнгө, 7 хүрэл нийт 13 медалийг хүртсэн амжилтыг үзүүлсэн юм. 


]]> zulaa Tue, 21 Oct 2025 09:40:34 +0800 “Khan Cup” 3х3 сагсан бөмбөгийн тэмцээний улсын аваргууд тодорлоо http://uvs.nutag.mn/index.php?newsid=3037 http://uvs.nutag.mn/index.php?newsid=3037
ХААН Банкны нэрэмжит “Khan Cup” 3х3 сагсан бөмбөгийн тэмцээний финалын шат буюу улсын аварга шалгаруулах тэмцээн өнгөрсөн бямба гарагт Үндэсний соёл амралтын хүрээлэнд амжилттай болж өндөрлөлөө. Тус тэмцээнд орон нутгийн таван бүс болон нийслэлээс тодорсон эрэгтэй, эмэгтэй нийт 24 баг аваргын төлөө хурд хүч, авхаалж самбаагаа сорин өрсөлдсөн юм.
Монголын хамгийн том банкны хувьд ХААН Банк нийгмийн хариуцлагын хүрээнд хүүхэд, залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжил, багийн спортыг дэмжих зорилгоор 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбайг байгуулсан бөгөөд жил бүр улсын хэмжээнд энэхүү тэмцээнийг уламжлал болгон зохион байгуулж ирсэн билээ.










Улсын аварга шалгаруулах тэмцээний эрэгтэй ангилалд Дорноговь аймгийн 2-р сургуулийн баг тамирчид тэргүүн байр эзэлж, удаах байруудад Чингэлтэй дүүргийн “Show time” болон Ховд аймгийн “Ховд Азза” багууд шалгарлаа. Харин эмэгтэй ангилалд Чингэлтэй дүүргийн “DIP” баг түрүүлж, Багануур дүүргийн “RAIDS1” болон Сэлэнгэ аймгийн Ерөө сумын багууд хоёр, гуравдугаар байр эзэллээ. Аварга болсон баг тамирчид мөнгөн урамшууллаас гадна өчигдөр Монголын 3х3 сагсан бөмбөгийн шигшээ багтай хамтарсан бэлтгэл хийсэн юм.
Энэ жилийн тэмцээнийг Монголын 3х3 сагсан бөмбөгийн холбоотой хамтран олон улсын стандартын дагуу, илүү өргөн цар хүрээтэйгээр зохион байгуулснаараа онцлог  бөгөөд орон даяар нийт 510 багийн 2000 гаруй хүүхдийг хамруулсан юм.
undefined
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ. Мөн өнгөрсөн онд Монголын сагсан бөмбөгийн дээд лигийн “Бишрэлт Металл” багтай хамтран ажиллах санамж бичиг байгуулж, ивээн тэтгэгчээр ажиллаж байна.
Спортын өсөлтийг дэмжигч – ХААН Банк
]]> zulaa Wed, 03 Sep 2025 13:13:34 +0800 “Khan Cup” 3х3 сагсан бөмбөгийн тэмцээний ялагчид бямба гарагт тодорно http://uvs.nutag.mn/index.php?newsid=3036 http://uvs.nutag.mn/index.php?newsid=3036
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний албан ёсны нээлтийн арга хэмжээ Үндэсний соёл амралтын хүрээлэнд өнөөдөр боллоо. Энэхүү нээлтийн ёслолд аймаг аймгаас шалгарсан шилдэг баг тамирчид хүрэлцэн ирснээс гадна ХААН Банкны Гүйцэтгэх захирал, НҮБ-ын Хүүхдийн сангийн үндэсний элч Р.Мөнхтуяа, НҮБ-ын Хүүхдийн сангийн суурин төлөөлөгч Эваристе Коуасси-Комлан болон Монголын 3х3 сагсан бөмбөгийн холбооны Ерөнхий нарийн бичгийн дарга С.Төгсжаргал нар оролцлоо. Мөн ХААН Банк өнгөрсөн оноос ивээн тэтгэн хамтран ажиллаж буй Монголын сагсан бөмбөгийн дээд лигийн “Бишрэлт Металл” багийн тамирчид хүүхдүүдийг дэмжихээр хүрэлцэн ирсэн нь онцлог байлаа.
Үндэсний хэмжээний хамгийн том банкны хувьд ХААН Банк нийгмийн хариуцлагын хүрээнд хүүхэд залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжлийг дэмжих, багийн спортыг хөгжүүлэхэд хувь нэмэр оруулах үүднээс 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбай байгуулсан бөгөөд жил бүр ХААН Банкны нэрэмжит 3х3 сагсан бөмбөгийн тэмцээнийг аймаг бүрд зохион байгуулдаг уламжлалтай болсон билээ. Энэ жилийн хувьд ХААН Банк Монголын 3х3 сагсан бөмбөгийн холбоотой хамтран уг тэмцээнийг олон улсын стандартын дагуу, илүү өргөн цар хүрээнд зохион байгуулж, орон даяар нийт 510 багийн 2000 гаруй хүүхдийг хамруулснаараа онцлог юм.






ХААН Банкны Гүйцэтгэх захирал Р.Мөнхтуяа тэмцээний нээлтийн үеэр “Багийн спорт гэдэг хамтдаа ялалт байгуулах урам зориг, хамтдаа хичээх тэсвэр хатуужил, хамтдаа ялах, ялагдахын сургамжийг өгдөг. Манай банкны уриа үг ХАМТЫН ӨСӨЛТ ТӨГӨЛДӨР. Энэ уриатай багийн спортын зорилго мөн нийцдэг гэж бодож байна. Хамтдаа илүү хол алхана, илүү хүчтэй байна, илүү амжилт үзүүлнэ. Тиймээс бид багийн спортыг дэмжихийг зорьж, түүгээр дамжуулж, хүүхэд залууст хамтдаа олон олон ялалт байгуулж, өсөж хөгжих, эх орныхоо нэрийг тив дэлхийд дуурсгах ирээдүйн аваргуудын өсөж өндийх хөрсийг бэлдэж байна гэж үзэж байна” гэлээ.
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний ялагчид энэ сарын 29-нд тодрох бөгөөд орон нутгийн 5 бүс болон нийслэлээс шалгарсан нийт эрэгтэй, эмэгтэй 24 баг 8-р сарын 30-нд улсын аваргын төлөө хүч сорих юм.






Тэмцээний нийт шагналын сан 150 сая төгрөг. Бүсийн аварга шалгаруулах тэмцээний 1-р байр 2 сая, 2-р байр 1 сая, 3-р байр 700 мянган төгрөгийн шагналтай бол финалын шатанд аваргын цомын эзэн болох баг 5 сая, 2-р байр 3 сая, 3-р байр 1 сая төгрөгийн шагнал хүртэх юм. Мөн үүнээс гадна ХААН Банк Монголын 3х3 сагсан бөмбөгийн холбоотой хамтын ажиллагааны хүрээнд тэмцээний аварга баг тамирчдыг шигшээ багтай хамтарсан бэлтгэлд хамруулах боломжийг бүрдүүлэх, их дээд сургуульд элсэн суралцахад нь дэмжлэг үзүүлэх зэргээр Монголын сагсан бөмбөгийн спортыг бүх түвшинд тогтвортой дэмжихээр зорьж байна.
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ.
Спортын өсөлтийг дэмжигч – ХААН Банк
]]> zulaa Thu, 28 Aug 2025 16:29:14 +0800 Увс аймгаас Улаанбаатар хотод ирж “Адуучин” тэмцээнд оролцон аварга болжээ http://uvs.nutag.mn/index.php?newsid=3034 http://uvs.nutag.mn/index.php?newsid=3034
“Нүүдэлчин дэлхийн соёлын фестиваль” Улаанбаатар хотод болж өндөрлөв. Тус фестивалийн үеэр үндэсний спортын нэгэн төрөл болох "Адуучин" тэмцээн зохиосон бөгөөд 19 аймаг, есөн дүүргийн нийт 35 тамирчин өрсөлджээ. 
Тэмцээний тэргүүн байрт Увс аймгийн Өмнөговь сумын харьяат “Нүүдэлчин-2024” фестивалийн адуучин тэмцээний дэд байр, аймгийн аварга шалгаруулах тэмцээний хошой медальт, сумын хошой аварга, бүсийн тэмцээний хошой алтан медальт, адуучин Н.Баатарсүрэн шалгарав. Тэрбээр 1300 километрийн цаанаас тус фестивалийг зорин оролцсон нь энэ.
Харин дэд байрт Багануур дүүргийн адуучин, “Нүүдэлчин-2024” фестивалийн тэргүүн байр, зүүн бүсийн хүрэл, Багануур дүүргийн адуучин тэмцээний алт, мөнгөн медальт Б.Бямбасүрэн шалгарлаа.
Удаах байрт Ховд аймгийн Буянт сумын харьяат, аймгийн хошой аварга адуучин Б.Дөлбаяр, Төв аймгийн Сэргэлэн сумын харьяат, аймгийн аварга адуучин Э.Түвшинжаргал, тавдугаар байрт Дундговь аймгийн Адаацаг сумын харьяат, сумын аварга адуучин Ш.Цэрэнбат оров.
Энэ жилийн “Нүүдэлчин-2024” фестивалийн адуучин тэмцээнд түрүү булаалдсан хоёр адуучин өнгөрсөн жилийн тус тэмцээнд түрүү булаалдахад Б.Бямбасүрэн нь түрүүлж байсан бол Н.Баатарсүрэн энэ удаа даагаа нэхжээ. 
Адуучид уурга, ташуур шүүрэх, эмнэг булгиулах, морьтой уургалах, явган бугуйлдах гэсэн дөрвөн төрлөөр өрсөлдсөн бөгөөд тус тэмцээнд улсын аварга цолтой гурав, аймгийн аварга цолтой арав орчим адуучин өрсөлдсөн билээ.
Эх сурвалж: Биеийн тамир, спортын улсын хороо
]]> zulaa Mon, 25 Aug 2025 10:07:57 +0800 Увс аймгийн Завхан сумын 100 жилд Хөхморьтын хөгшин бор морь түрүүлжээ http://uvs.nutag.mn/index.php?newsid=3014 http://uvs.nutag.mn/index.php?newsid=3014
Х.Батсүх уяачийн уяа сойлгыг тааруулсан унаган бор морь нь өнгөрсөн жил төрөлх сумынхаа 100 жилийн ойд мөн түрүүлж байв. Ийнхүү хоёр ч түүхэн ойд дараалж түрүүлсэн бор морь аймаг, сумын том жижиг 10-аад наадамд түрүүлж, эзэн уяач, унаач хүүхдийнхээ бахархал болсон хүлэг аж. 
Адуу дунджаар 25 насалдаг гэж үзвэл Хөхморьтын бор морь хүнээр бол 70 насандаа хол тасарсан өнгөний таван их насны морьдын түрүүнд барианы зурхайд орсон юм. 
Хөхморьтын элстэй шанд, өргөн Хүйсийн говиос төрсөн хөгшин бор морь газрын хүндийг эвхэн давхиж, морин соёл, монгол адууны гайхамшгийг дахин нэг удаа таниуллаа.
]]> zulaa Thu, 24 Jul 2025 10:00:15 +0800 Увс аймагт аймгийн цол олгох барилдаан энэ сарын 27-нд болно http://uvs.nutag.mn/index.php?newsid=3011 http://uvs.nutag.mn/index.php?newsid=3011
Увс аймагт цол олгох барилдааныг энэ сарын 27-нд хийхээр төлөвлөжээ. 
Тус барилдааныг аймгийн төвөөс урагш 15км-т байрлах “Өргөн ширэг” хэмээх газар зохион байгуулах бөгөөд 256 бөхийг бүртгэн барилдуулах юм.
Увс аймгийн түүхт 100 жилийн ойд зориулсан Улс, аймгийн алдар цолтой 256 бөхийн барилдааныг 07.29-30-ны өдрүүдэд зохион байгуулна.
Аймгийн цол олгох болон 100 жилийн ойн барилдаанд шөвгөрсөн бөхчүүдээс допингийн шинжилгээ авна.
]]> zulaa Wed, 23 Jul 2025 09:13:13 +0800 Месси, Суарес нар хөл бөмбөгийн клуб байгуулжээ http://uvs.nutag.mn/index.php?newsid=2989 http://uvs.nutag.mn/index.php?newsid=2989
Хойд Америкийн хөл бөмбөгийн лигийн “Интер Майами” багийн тоглогчид болох Лионел Месси, Луис Суарес нар хамтран хөл бөмбөгийн “Депортиво ЛСМ” гэдэг нэртэй клубийг байгуулжээ. Энэ тухай Суарес Х сүлжээн дэх хуудсандаа бичсэн байна.  

“Алтан бөмбөг” шагналыг 8 удаа хүртсэн Аргентины хөлбөмбөгчин Л.Месси, “Барселона”-гийн бүрэлдэхүүнд 5 удаа Испанийн аваргаар шалгарсан Уругвайн хөлбөмбөгчин Л.Суарес нарын байгуулсан тус баг Уругвайн аварга шалгаруулах тэмцээний 4-р дивизионд тоглох ажээ.

ЛСМ гэдэг товчлол нь хөлбөмбөгчдийн нэрсийнх нь эхний үсгүүд юм. “Өнөөдөр миний бие өсвөр насныхныг өсөж дэвжихэд нь туслах боломжийг Уругвайн хөл бөмбөгт санал болгож байна. Үүний тулд бид Уругвайн хөл бөмбөгийн холбооны ивээл дор болдог тэмцээнүүдэд клубээ оролцуулахыг хүсэж байгаа юм. Үүгээр мөрөөдөл маань дуусахгүй, бид мөрөөдлөө гэр бүл, найз нөхөд, ойр дотны хүмүүстэйгээ хуваалцах болно.

Хүүхэд ахуй цагаас хойш бидэнд нийтлэг зүйлс маш олон байсан, бид хөл бөмбөгийн оргилд гарсан үедээ туршлагаа хуваалцсаар ирсэн. Иймээс миний бие өнөөдөр өөрийн найз, нэг багийн андыгаа танилцуулах гэж байна.

Энэ төсөл бол хөл бөмбөгийн талаарх ирээдүйн төсөөллөө хуваалцах маш сайхан боломж юм” гэж Суарес бичжээ. Месси, Суарес хоёрын тоглодог “Интер Майами” баг 14 тоглолтод 23 оноо авснаар Хойд Америкийн хөл бөмбөгийн MLS лигийн Дорнод бүсийн тэмцээний хүснэгтийн 7-р байрт бичигдэж байгаа бөгөөд 29-нд талбайдаа “Монреаль” багтай тоглоно. 

]]> zulaa Wed, 28 May 2025 15:55:47 +0800 Америк сагсанбөмбөгч Индонезид цаазын ял авч магадгүй болжээ http://uvs.nutag.mn/index.php?newsid=2976 http://uvs.nutag.mn/index.php?newsid=2976
Индонезийн “Тангэраг Хоукс” багт тоглодог Жарред Шоу хэмээх америк сагсанбөмбөгч цаазын ялтай гэмт хэрэг үйлдсэн байна.
Түүнийг Тайландаас марихуантай чихэр нууцаар хил давуулан оруулах гэсэн үйлдэл дээр нь баривчилжээ. Сүкарна Хатта нисэх онгоцны буудалд түүний 20 илгээмжийг шалгахад дотроос нь 870 граммын марихуантай чихэр гарчээ.
Индонезийн Цагдаагийн газрын үзэж буйгаар бол Жарред Шоу энэхүү марихуантай чихрийг багийнхаа тоглогчдод тарааж өгөх төлөвлөгөөтэй байсан гэнэ. Тэрбээр санаа сэтгэлээ амраах, тайвшрахад марихуан хэрэглэдэг гэдгээ хүлээн зөвшөөрөд, интернэтээр дамжуулан Тайландаас оруулж ирдэг гэдгээ ч хүлээжээ.
Индонезийн хуулийн дагуу хар тамхины төрлийн зүйл хил давуулан нууцаар оруулах үйлдэлд 20 хүртэлх жил хорих, мөн бүх насаар нь хорих, бүр цаазын ял ч оноох боломжтой ажээ.
]]> zulaa Fri, 16 May 2025 12:29:49 +0800 С.Цэрэнчимэд П.Орхоноос даагаа нэхэж, Т.Тулга дээд жиндээ түрүүлэв http://uvs.nutag.mn/index.php?newsid=2854 http://uvs.nutag.mn/index.php?newsid=2854
Чөлөөт бөхийн эрэгтэйчүүдийн 62, эмэгтэйчүүдийн 27 дахь удаагийн насанд хүрэгчдийн УАШТ Монгол бөхийн өргөөнд эхэлсэн. Энэ жилийн УАШТ нь Монгол Улсын гавьяат тамирчин, “Москва-1980” олимпын хүрэл, “Мехико-1978” ДАШТ-ий хүрэл медальт, Монгол Улсын 12 удаагийн аварга Дугарсүрэнгийн Оюунболд агсны нэрэмжит болон болж байгаа юм. Лос Анжелесын олимпийн циклийн эхний улсын аваргад 22 байгууллагын эрэгтэй, эмэгтэй нийт 265 тамирчин 10 жинд өрсөлдөж байна.
 Ч.ОТГОНТУЯА ТҮРҮҮЛЭВ
Эмэгтэйчүүдийн 53 кг-ын жинд Ч.Отгонтуяа түрүүлж, Ц.Намуунцэцэг мөнгөн медаль хүртлээ. Эдгээр бөхчүүд хэсгийн шатнаа учраа таарахад Ч.Отгонтуяа 9:8 харьцаатайгаар ялсан юм. Ч.Отгонтуяа финалд хий зайгүй нягт барилдсанаар өрсөлдөгчөө цэвэр давж түрүүллээ.
Хүрэл медалийг Бямбасүрэнгийн Халиун гардав. Тэрбээр медалийн төлөөх барилдаанд “Дархан Хасу Fohow” клубийн бөх Г.Цовоог хүч, техникийн илт давуугаар буулгаж авсан.
С.ЦЭРЭНЧИМЭД, П.ОРХОН НАРЫН УЧРАА
Насанд хүрэгчдийн УАШТ-ий эхний өдрийн гол анхаарал “Алдар”-ын хоёр гавьяатын барилдаанд төвлөрч байлаа. Өнгөрсөн жил тэд Буянт-Ухааг шуугилж, эцсийн хоромд шийдэгдсэн барилдааны ялагчаар П.Орхон тодорсон.
Тэгвэл өнөө жил С.Цэрэнчимэд гавьяатын тонгорох мэх дархан байлаа. Хоёр гавьяатын барилдаан ганцхан онооны зөрүүтэй шийдэгдэж, С.Цэрэнчимэд УАШТ-д долоо дахь түрүүгээ дархлав.
“Баянгол Аваргууд” академийн тамирчин Эрдэнэбилэгийн Саруул өрсөлдөгч бөхөө 30 секундэд буулгаж авснаар хүрэл медаль зүүлээ.
Б.МӨНХ-ЭРДЭНЭ ДАРААЛАН ТҮРҮҮЛЭВ
Эрэгтэйчүүдийн 57 кг-ын жинд “Төгс” дэвжээний бөх Б.Мөнх-Эрдэнэ түрүүлж, аваргаа хамгааллаа. Мөнгөн медалийг С.Жигүүр хүртэв.  “Алдар” спорт хорооны бөх М.Даваабанди энэ жингийн насанд хүрэгчдийн УАШТ-ээс хоёр жил дараалан хүрэл медаль зүүлээ. Харин энэ жингийн нөгөө хүрэл медалийг “Баянгол Аваргууд” академийн тамирчин Л.Мөнх-Од гардсан юм.
Э.ДАВААНАСАН УАШТ-Д ДӨРӨВ ДЭХ УДААГАА ТҮРҮҮЛЭВ
ДАШТ-ий мөнгөн медальт, ОУХМ Э.Даваанасан эмэгтэйчүүдийн 76 кг-д итгэл төгс түрүүллээ. Тэрбээр бүх барилдаандаа цэвэр ялахдаа нэг ч оноо алдаагүй юм.
Энэ нь түүний УАШТ-ий дөрөв дэх түрүү болжээ.
Хилийн цэргийн 0303-р ангийн тамирчин Г.Уртнасан мөнгөн медаль хүртсэн. Ингэснээр тэрбээр УАШТ-ий хоёр мөнгө, хоёр хүрэл медальтай болж байна.
Залуу тамирчин О.Цэлмүүн насанд хүрэгчдийн УАШТ-ий анхны медалиа авлаа.
61 КГ-ЫН ЖИНД Т.ТҮВШИНТУЛГА ТҮРҮҮЛЛЭЭ
Эрэгтэйчүүдийн 61 кг-д Т.Түвшинтулга түрүүлж, З.Занабазар үзүүрлэлээ. Харин “Цаст тайга” клубийн тамирчин Н.Ганбаяр, “Аврагч” спорт хорооны бөх Э.Энхболд нар хоёул өрсөлдөгчөө цэвэр ялж хүрэл медалийн эздээр тодорлоо.
Ц.ЦОГБАДРАХЫН ДӨРӨВ ДЭХ АЛТ
Насанд хүрэгчдийн УАШТ-ий эрэгтэйчүүдийн 65 кг-д дэлхийн аваргын отгон медальт Ц.Цогбадрах итгэл төгс түрүүллээ. Тэрбээр шигшээ барилдаанд “Аваргууд” академийн Д.Төрбаярыг цэвэр дарсан аж.
Ц.Цогбадрахын хувьд УАШТ-д дөрөв дэх удаагаа түрүүлсэн нь энэ.
Залуу тамирчин Б.Зэнээмэдэр, Б.Гантулга нар насанд хүрэгчдийн УАШТ-ий анхны медалиа авсан байна.
ГАВЬЯАТ ТАМИРЧИН Т.ТУЛГА ДЭЭД ЖИНДЭЭ ТОРОЛГҮЙ ТҮРҮҮЛЛЭЭ
ДАШТ-ий хүрэл медальт, “Парис-2024” олимпын V байрын шагналт гавьяат тамирчин Т.Тулга жин өгсөж 70 кг-д барилдаад итгэл төгс түрүүллээ. Тэрбээр аваргын төлөөх барилдаанд Б.Өсөхбаярыг оноогоор цэвэр ялсан.
Б.Өсөхбаярын хувьд өмнө нь УАШТ-ээс хоёр хүрэл медаль аваад байсан бол энэ удаа мөнгө дээр буув. Т.Өглөөжаргал УАШТ-ий хоёр дахь хүрэл медалиа хүртсэн бол А.Анх-Эрдэнэ насанд хүрэгчдийн УАШТ-ий анхны медалиа өөрийн болгосон юм.
ЭХ СУРВАЛЖ: МОНГОЛЫН ЧӨЛӨӨТ БӨХИЙН ХОЛБОО
]]> zulaa Tue, 21 Jan 2025 15:16:39 +0800