Баян-Өлгий аймгийн ИТХ-ын дарга Н.Бейбитхан, Улан загалмайн хорооны дарга Х.Ертай нар өнгөрсөн өдрүүдэд Дэлүүн, Булган суманд ажиллалаа.

Энэ үеэр сумын удирдлагуудтай уулзаж, өвөлжилтийн байдал, тулгамдаж буй асуудлуудын талаар санал солилцлоо. Цар тахлаас урьдчилан сэргийлэх бэлтгэл ажил, сумын Эрүүл мэндийн төв, тусгаарлах байр, сургуулийн үйл ажиллагаатай танилцлаа.

Мөн Монголын Улаан загалмайн нийгэмлэг, Олон Улсын Улаан хавирган сар нийгэмлэгээс зудын өндөр эрсдэлтэй байгаа Булган сумын 22 малчин өрхөд олгосон мөнгөн тусламж /өрх бүрт 240 мянган төгрөг/, малын эрдэс тэжээлийн багцыг гардуулж өглөө.