Баян-Өлгий аймагт 2018 онд гэр бүлийн хүчирхийллийн хохирогчийн амь, эрүүл мэнд, аюулгүй байдлыг хангах зорилгоор Нэг цэгийн үйлчилгээний төвийн байрыг орон нутгийн төсвийн хөрөнгөөр барьсан.

Тухайн байрны доторх эд хогшил, тоног төхөөрөмжийг НҮБ-ын Хүн амын сангаас олгосон ч орон тоо, санхүүжилт нь өнөөдрийг хүртэл шийдэгдээгүй ирсэн юм.

Аймгийн Засаг дарга Д.Бауыржан энэ өдрүүдэд Улаанбаатар хотод ажиллаж байгаа. Тэрээр УИХ-ын гишүүн Т.Аубакирын хамт ХНХ-ын сайд А.Ариунзаяа,  дэд сайд С.Зулпхар нартай уулзжээ.

Уулзалтаар дээрх Нэг цэгийн үйлчилгээний төвийн орон тооны асуудлыг улсын төсвөөс шийдэхээр тохирсон байна.