Энэ долоо хоногт ихэнх нутгаар бороотой
Ус, цаг уур, орчны шинжилгээний газраас ирүүлсэн мэдээгээр энэ долоо хоногт төвийн болон говийн зарим аймаг, баруун аймгуудын ихэнх нутгаар бороотой, зарим газар дуу цахилгаантай аадар бороо орохыг анхааруулж байна.
Тодруулбал, долдугаар сарын 14-нд баруун болон төвийн аймгуудын ихэнх нутаг, говь болон зүүн аймгуудын нутгийн зарим газраар, долдугаар сарын 15, 16-нд баруун болон төвийн аймгуудын ихэнх нутаг, зүүн аймгуудын нутгийн зарим газраар, долдугаар сарын 17-нд ихэнх нутгаар бороо, зарим газраар дуу цахилгаантай аадар бороо орно. Салхи долдугаар сарын 16, 17-нд зарим газраар секундэд 14-16 метр, бусад хугацаанд борооны өмнө түр зуур ширүүснэ. Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр шөнөдөө 4-9 градус, өдөртөө 16-21 градус, говийн бүс нутгаар шөнөдөө 18-23 градус, өдөртөө 31-36 градус, бусад нутгаар шөнөдөө 11-16 градус, өдөртөө 22-27 градус дулаан байна. 15-нд баруун аймгуудын нутгийн хойд хэсгээр, долдугаар сарын 16, 17-нд нутгийн хойд хэсгээр сэрүүснэ.