Увс аймгийн Бөхмөрөн сум 3 дугаар багийн нутаг аймгийн төвөөс баруун хойд зүгт 70 км-т, сумын төвөөс баруун хойд зүгт 120 км-т орших Хагын хөдөө хэмээх газарт Бөхмөрөн сумаас Улаангомын чиглэлд зорчиж явсан машин цасанд суужээ.

Хоёр том хүн, гурван хүүхэдтэй суудлын автомашин цасанд суусан тухай дуудлагыг 2026.02.23-ны  20:45 цагт хүлээн авсан байна.

Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид очиж “Toyota Prius 30” суудлын автомашин цасанд суусан байсныг ажиллаж татан гаргажээ. 

2-р сарын 24-нд баруун болон төвийн аймгуудын нутгаар, 25-нд төв болон зүүн аймгуудын нутгаар цас орж, цасан шуурга шуурч, нутгийн өмнөд хэсгээр салхи, шуургатай байх тул зам даваа гүвээнд үзэгдэх орчин хязгаарлагдаж, халтиргаа, гулгаатай байхыг ЦУОШГ-аас сэрэмжлүүлэв. Цаг агаарын мэдээ харж, аян замын бэлтгэлээ сайтар хангасны дараа холын замд гарахыг ард иргэддээ анхааруулъя.