Баян-Өлгий аймгийн Улаанхус сумын Улаан Эрэг багийн “Улаан-Эрэг” гэдэг газар буюу аймгийн төвөөс баруун хойд зүгт 43 км-т, сумын төвд “Ховд” голын усны түвшин нэмэгдэж 30 өрх усанд автагдах магадлалтай байна гэсэн мэдээлэл энэ сарын 10-ны өдрийн 21:35 цагт Онцгой байдлын албанд иржээ.

Мэдээллийн дагуу тус аймгийн Онцгой байдлын газрын Цэнгэл сум дахь Гал түймэр унтраах, Аврах 71 дүгээр ангийн алба хаагчид, сумын мэргэжлийн ангийнхан өчигдөр буюу энэ сарын 12-ны өдрийн байдлаар 4 метр өргөн, 90 см өндөр, 100 метрийн урттай шороон далан босгосон байна. Өнөөдөр 09:00 цагаас мөн ажлаа эхлүүлжээ.