ОБЕГ-аас өнгөрсөн өдрийн нөхцөл байдлын талаарх мэдээллийг өглөө.

Увс аймгийн Наранбулаг сумын Гүнбүрд багийн “Цагаан чулуут” гэдэг газар11 дүгээр сарын 27-ны өдөр 18-20 м/с хүчтэй цасан шуурга шуурсаны улмаас нэг өрхийн 60 бог мал хорогдсон байна. Энэ тухай мэдээллийг 11 дүгээр сарын 28-ны өдрийн 16:20 цагт холбогдох албаныхан хүлээн авсан байна.

Ховд аймгийн Дөргөн сумын Агвааш багийн “Цахир хошуун” гэдэг газар 11 дүгээр сарын 27-ны өдрийн 02:00 цагийн орчим 18-20 м/с хүчтэй цасан шуурга шуурсаны улмаас 70 орчим бод мал хорогдсон тухай мэдээллийг 11 дүгээр сарын 28-ны өдрийн 16:20 цагт хүлээн авчээ. 

Увс аймгийн Наранбулаг сумын Алдар багийн “Толийн хөх толгой” гэдэг газар 11 дүгээр сарын 27-ны өдрийн 23:30 цагийн орчим 18-20 м/с хүчтэй цасан шуурга шуурсаны улмаас нэг өрхийн 75 хонь, 9 ямаа хорогдсон байна. Энэ тухай мэдээллийг 11 дүгээр сарын 28-ны өдрийн 17:15 цагт хүлээн авчээ. Тус сумын харьяат М-ийн 75 хонь, 9 ямаа цасан шуурганд хорогдсон тухай мэдээллийг аймгийн Онцгой байдлын газарт мэдээлсэн байна.