Баян-Өлгий аймаг дахь хилийн 0165 дугаар анги хуучин спорт заалаа шинэчилж, хилчдэд тохилог орчинд биеийн тамираар хичээллэх боломж бүрдүүллээ. 

Тус ангийн хамт олон байгууллагын дотоод нөөц бололцоонд тулгуурлан хуучин спорт зааланд дулаан хадгалалт сайтай полистрол шал суулгажээ. Мөн их засвар хийж, тоон самбарууд байршуулан бүрэн тохижуулсан байна. 

Спорт заалны нээлтийн үйл ажиллагаанд Баян-Өлгий аймгийн үндэсний аюулгүй байдлыг хангах тусгайлсан үүрэг бүхий байгууллагуудын төлөөлөл оролцлоо. Энэ үеэр байгууллагуудын дунд сагсан бөмбөгийн нөхөрсөг тэмцээн зохион байгуулав.