ОХУ-аас импортоор бараа таваар оруулдаг аж ахуйн нэгжүүдийн ажилтнууд болон гадаадаас эх орондоо ирж тусгаарлалтаас гарсан 100 гаруй иргэнээс сорьцын шинжилгээ авч, тандалт судалгаа хийхэд 3 хүний шинжилгээний хариу эргэлзээтэй гараад байсан юм.

Улмаар тухайн 3 иргэн болон тэдний ойрын хавьтагчдыг тусгаарлаад байв. Дээрх гурван иргэний нэг нь өнгөрсөн 6 дугаар сард тусгай нислэгээр Бүгд Найрамдах Казахстан Улсаас эх орондоо ирсэн, улмаар коронавирусний халдвар илэрч, ХӨСҮТ-д эмчлүүлээд гарсан хүн аж. Харин нөгөө 2 хүн нь түүнтэй хамт ажилладаг байжээ.

Тэгвэл эдгээр иргэдийн PCR /полимеразын гинжин урвал/-ын шинжилгээний хариу сөрөг гарчээ.

Одоогоор Баян-Өлгий аймагт хөл хорио тогтоогоогүй, хөдөлгөөн хэвийн үргэлжилж байгаа боловч иргэдийг амны хаалтаа зүүж, халдвар хамгааллын дэглэмийг чанд баримтлахыг мэргэжлийн хүмүүс анхааруулж байна.