Баян-Өлгий аймагт сүүлийн 24 цагт 9 иргэн коронавирусний халдвар авсан нь батлагдаж, нийт бүртгэгдсэн тохиолдлын тоо 103 боллоо.

Тодруулж хэлбэл, Өлгий суманд 5, Цэнгэл суманд 2, Ногооннуур, Булган суманд тус бүр 1 тохиолдол илэрчээ. Өвчилсөн хүмүүс бүгд өмнөх голомтуудын ойрын харьцагчид аж.

Хөдөө сумдад бүртгэгдсэн тохиолдлуудыг харьяа сумын ЭМТ-д, аймгийн төвийн иргэдийг Ковидын эмнэлэгт шилжүүлж эмчилгээ хийж эхлээд байна.