Монгол Улсын Ардын багш, математикийн шинжлэх ухааны доктор, профессор, академич А.Мекейн нэрэмжит математикийн баруун бүсийн олимпиадыг жил бүр уламжлал болгон зохион байгуулдаг.

Энэ жилийн VII дахь удаагийн олимпиад ирэх сарын 11, 12-ны өдрүүдэд А.Мекей агсны нэрэмжит Өлгий сумын 6 дугаар сургуульд болох тов гарчээ.

Тус олимпиадад баруун 5 аймгийн ерөнхий боловсролын сургуулийн математик, бага ангийн багш нар, 6-12 дугаар ангийн сурагчид оролцох юм.

Зохион байгуулагчид олимпиадад тэргүүлсэн багийг 1,5 сая, 2 дугаар байрыг 900 мянга, 3 дугаар байрт орсон багийг 600 мянган төгрөгөөр шагнахаа зарлаад байна.